Seısenbige arnalǵan aýa raıy
NUR-SULTAN. QazAqparat - Sınoptıkterdiń boljaýynsha, 5 mamyrda atmosferalyq frontaldy bólikterdiń ótýine baılanysty aýa raıy qubylmaly bolady, dep habarlaıdy QazAqparat Qazgıdrometke silteme jasap.
Keı jerlerde jańbyr jaýady, ońtústikte qatty nóser bolady, shyǵysta jaýyn-shashyn túsedi. Elimizdiń soltústik bóliginde antıtsıklon áserinen kún raıy ashyq bolady. Keı jerlerde naızaǵaı jarqyldaıdy, jel kúsheıedi, tuman túsedi, ońtústikte daýyl, shańdy daýyl kútiledi, burshaq jaýýy yqtımal.
Jambyl oblysynyń keı jerlerinde tuman kútiledi, kúndiz keı jerlerinde naızaǵaı kútiledi, burshaq jaýýy yqtımal, jel 15-20 m/s kúsheıedi. Túrkistan oblysynyń keı jerlerinde naızaǵaı, daýyl kútiledi, burshaq jaýýy yqtımal, jel 15-20 m/s, kúndiz keı jerlerinde ekpini 25 m/s kúsheıedi. Qyzylorda oblysynyń keı jerlerinde shańdy daýyl kútiledi, jel 15-20 m/s kúsheıedi.
Atyraý, Batys Qazaqstan oblystarynyń túnde keı jerlerinde, kúndiz basym bóliginde jel 15-20 m/s kúsheıedi, kúndiz keı jerlerinde naızaǵaı kútiledi. Kúndiz Mańǵystaý, Aqtóbe, túnde Pavlodar, Shyǵys Qazaqstan oblystarynyń keı jerlerinde jel 15-20 m/s kúsheıedi.
Kúndiz Almaty oblysynyń Jalańashkól aýdanynda jel 15-20 m/s kúsheıedi. Qostanaı, Qaraǵandy oblystarynyń keı jerlerinde tuman kútiledi, Qaraǵandy oblysynyń kúndiz keı jerlerinde jel 15-20 m/s kúsheıedi.
