Seısenbige arnalǵan aýa raıy boljamy
NUR-SULTAN. QazAqparat – Qazgıdromet 29 jeltoqsanǵa arnalǵan aýa raıy boljamyn jarııalaıdy, dep habarlaıdy QazAqparat.
Atlantıkalyq tsıklonnyń áserinen respýblıkanyń soltústik-batysynda, soltústiginde, ortalyǵy men shyǵysynda qar jaýady. Qalǵan aýmaǵynda antıtsıklonnyń áserinen jaýyn-shashynsyz aýa raıy saqtalady. Respýblıkanyń keı jerlerinde tuman, jeldiń kúsheıýi jáne jaıaý burqasyn kútiledi.
Soltústik Qazaqstan oblysynda keı jerlerde tuman, jaıaý burqasyn, túnde 15-20 m/s jel soǵady. Qostanaı, Aqmola, kúndiz Pavlodar oblystarynda – keı jerlerde jaıaý burqasyn, 15-20 m/s jeldiń kúsheııýi kútiledi.
Almaty oblysynda keı jerlerde tuman, Jalańashkól aımaǵynda 17-22 m/s jeldiń kúsheııýi kútiledi. Kúndiz Shyǵys Qazaqstan oblysynda keı jerlerde jaıaý burqasyn, jel 15-20 m/s,
Jarma aımaǵynda ekpini 23 m/s kútiledi. Jambyl, Túrkistan, Qyzylorda, Mańǵystaý, Atyraý, Batys Qazaqstan, túnde Aqtóbe oblystarynda keı jerlerde tuman kútiledi.
Almaty oblysynda túnde qatty aıaz kútiledi.
