Seısenbide Qazaqstannyń soltústigi men shyǵysynda kún kúrkirep, jańbyr jaýady
ASTANA. QazAqparat - Seısenbi kúni, 9 qyrkúıekte Qazaqstannyń basym bóliginde kún ashyq bolady, soltústiginde, shyǵysynda jáne ońtústik-batysynda ǵana atmosferalyq aǵyndardyń ótýimen aýa raıynyń turaqsyz sıpaty kútiledi, keı jerlerde kún kúrkirep, jańbyr jaýady, jel kúsheıedi, dep habarlady «Qazgıdromet» RMK.
Soltústikte, soltústik-batysta jáne ortalyqta túnde jáne tańerteń tuman túsedi.
Mańǵystaý, Shyǵys Qazaqstan oblystarynda jeldiń 15-20 m/s-qa deıin kúsheıýi kútiledi. Soltústik Qazaqstan oblysynda keı jerlerde tuman túsip, jeldiń kúshi 15-20 m/s-qa jetedi. Aqmola, Qostanaı, Qaraǵandy oblystarynyń keı jerlerinde tuman túsediń.
Soltústikte, soltústik-batysta keı jerlerde qatqaq túsip, aýanyń temperatýrasy 0-5 gradýsqa deıin sýytady.
Respýblıkanyń ońtústiginde, batysynyń keı jerlerinde, soltústiginde, soltústik-batysynda, ońtústik-batysynda, shyǵysynda, ońtústik-shyǵysynda jáne ortalyǵynda óte joǵary órt qaýpi saqtalady.
Taıaýdaǵy táýlikterde Syrdarııa ózeniniń Ońtústik Qazaqstan jáne Qyzylorda oblystarynyń sheginde Shardara sý qoımasynan keletin aǵynnyń azaıýynan sý deńgeıi tómendeıdi. Respýblıkanyń ońtústigindegi, ońtústik-shyǵysyndaǵy taý ózenderinde sý betiniń qubylýy baıqalady. Shyǵys Qazaqstan oblysynyń kóptegen ózenderinde sý deńgeıiniń birte-birte tómendeýi kútiledi.
