Seısenbide Qazaqstannyń birqatar aımaqtarynda jel kúsheıedi
ASTANA. QazAqparat - Qazgıdromet 13 aqpanǵa arnalǵan aýa raıy boljamyn jarııalady, dep habarlaıdy QazAqparat.
Atmosferalyq aýa aǵyndarynyń ótýine baılanysty, Qazaqstan aýmaǵy boıynsha turaqsyz aýa raıy saqtalady, keı jerlerde qar jaýyp, jeldiń kúsheıýi kútiledi. Qazaqstannyń shyǵysynda, soltústik-shyǵysynda jáne ońtústik-shyǵysynda jaýyn-shashynsyz aýa raıy saqtalady. Keı jerlerde tuman bolyp, elimizdiń soltústik-batysynda jaıaý burqasyn, ońtústik-batysynda kóktaıǵaq kútiledi.
Almaty oblysynyń Jalańashkól aýdanynda jeldiń 18-23 m/s kúsheıýi saqtalady. Jambyl, Ońtústik Qazaqstan oblystarynyń keı jerinde tuman bolyp, jel 15-20, ekpini 25 m/s kúsheıedi. Mańǵystaý oblysynyń keı jerlerinde tuman, túnde kóktaıǵaq bolady.
Qyzylorda, Qostanaı oblysynyń keı jerlerinde tuman túsip, jel kúsheıedi. Aqmola, Batys Qazaqstan, Soltústik Qazaqstan, Pavlodar, Shyǵys Qazaqstan oblystarynyń keı jerlerinde tuman bolady.
