Seısenbide Qazaqstannyń 4 qalasynda aýa sapasy nasharlaıdy
ASTANA. QazAqparat - Seısenbi, 27 naýryz kúni Qazaqstannyń 4 qalasynda aýa sapasy nasharlaıdy, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Aqtaý, Atyraý, Qaraǵandy, Oral qalalarynda meteorologııalyq jaǵdaılar atmosferada lastaýshy zattardyń shoǵyrlanýyna áser etedi.
Almaty, Astana, Qostanaı, Qyzylorda, Kókshetaý, Pavlodar, Petropavl, Taldyqorǵan, Taraz, Óskemen, Shymkent qalalarynda meteojaǵdaılar kerisinshe jaqsaryp, zııandy zattardyń seıilýine yqpal etetin bolady.
Aıta keteıik, 2018 jyldyń 1 qańtarynan Qazgıdromettiń www.kazhydromet.kz saıtynda qolaısyz meteorologııalyq jaǵdaılardyń (QMJ) boljamy jarııalanady.
QMJ - atmosferalyq aýanyń betki qabatynda zııandy (lastaýshy) zattardyń jınalýyna yqpal etetin qysqamerzimdi meteorologııalyq faktorlardyń (tymyq, jeńil jel, tuman, ınversııa) úılesimi. QMJ jaǵdaıynda eldi mekenderdegi atmosferalyq aýanyń sapasy nasharlaýy múmkin.
Lastaný deńgeıiniń qalyptasýyn anyqtaıtyn mańyzdy faktorlardyń biri - sınoptıkalyq ahýaldyń (jel, jaýyn-shashyn, ylǵaldylyq, aýa temperatýrasy) boljamy.
