Seısenbide Qazaqstannyń 4 qalasynda aýa lastanady
NUR-SULTAN. QazAqparat – «Qazgıdromet» mamandary 22 jeltoqsan kúni Qazaqstan qalalarynda aýa sapasy qandaı bolatynyn jarııalady, dep habarlaıdy QazAqparat.
Kásiporynnyń málimetinshe, seısenbi kúni elimizdiń tórt qalasynda - Nur-Sultan, Aqtóbe, Balqash jáne Shymkentte qolaısyz meteorologııalyq jaǵdaı qalyptasyp, aýa lastanýy múmkin.
Ózge shaharlarda meteoahýal - birqalypty.
Qolaısyz meteorologııalyq jaǵdaı - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
