Seısenbide Qazaqstannyń 13 qalasynda aýa sapasy tómendedi
ASTANA. QazAqparat - Seısenbi, 30 qańtardaǵy meteorologııalyq jaǵdaıǵa sáıkes, Qazaqstannyń 13 qalasynda atmosferanyń lastanýy baıqalady, dep habarlaıdy «QazAqparat» HAA «Qazgıdrometke» silteme jasap.
Vedomstvonyń aqparaty boıynsha, qolaısyz meteojaǵdaı Astana, Aqtaý, Aqtóbe, Almaty, Atyraý, Qaraǵandy, Kókshetaý, Aqsý, Ekibastuz, Pavlodar, Petropavl, Taldyqorǵan, Taraz, jańa Buqtyrma, Rıdder, Óskemen, Shymkent qalalarynda baıqalady.
Qostanaı, Qyzylorda, Aqsaı, Oral qalalarynda meteojaǵdaı atmosferada lastaýshy zattardyń taralýyna yqpal etedi.
Aýanyń lastanýyna boljam jasaýda atmosferadaǵy zııandy (lastaýshy) zattardyń jınalýyna yqpal etetin meteorologııalyq faktorlar (dymyq, baıaý jel, tuman, ınversııa) eskeriledi.
