Seısenbide Qazaqstannyń 10 qalasynda aýa sapasy jaqsarady
ASTANA. QazAqparat - 1 mamyr, seısenbi kúngi meteorologııalyq jaǵdaılar respýblıkanyń 6 qalasynda lastaýshy zattardyń shoǵyrlanýyna yqpal etedi, dep habarlaıdy «QazAqparat» HAA «Qazgıdromet» RMK-ǵa silteme jasaı otyryp.
Astana (túnde), Aqtaý, Atyraý, Qaraǵandy qalalaryndaǵy meteorologııalyq jaǵdaılar atmosferada lastaýshy zattardyń shoǵyrlanýyna yqpal etedi.
Aqtóbe, Kókshetaý, Pavlodar, Petropavl, Taldyqorǵan, Taraz, Oral, Óskemen, Shymkent, Qostanaı qalalarynda meteorologııalyq jaǵdaılar atmosferadaǵy lastaýshy zattardyń ydyraýyna yqpal etedi.
QMJ - atmosferalyq aýanyń betki qabatynda zııandy (lastaýshy) zattardyń jınalýyna yqpal etetin qysqamerzimdi meteorologııalyq faktorlardyń (tymyq, jeńil jel, tuman, ınversııa) úılesimi. QMJ jaǵdaıynda eldi mekenderdegi atmosferalyq aýanyń sapasy nasharlaýy múmkin.
Lastaný deńgeıiniń qalyptasýyn anyqtaıtyn mańyzdy faktorlardyń biri - sınoptıkalyq ahýaldyń (jel, jaýyn-shashyn, ylǵaldylyq, aýa temperatýrasy) boljamy.
