Seısenbide elimizdiń keıbir óńirlerinde jel kúsheıedi
ASTANA. QazAqparat - 9 qazanda Qazaqstan aýmaǵynyń basym bóliginde kún raıy ashyq bolady, tek soltústik-batys, ońtústik jáne shyǵys bólikterinde atmosferalyq aǵyndardyń ótýine baılanysty, qubylmaly jaýyn-shashyndy aýa raıy kútiledi, dep habarlaıdy Qazgıdromet.
Seısenbi kúni elimizdiń keı jerlerinde jel kúsheıip, tuman kútiledi, ońtústikte shańdy daýyl bolady.
Soltústik Qazaqstan, Qostanaı oblystarynda jel 15-20, kúndiz Soltústik Qazaqstan oblysynyń keı jerlerinde 23-28 m/s kúsheıedi.
Aqmola, Jambyl, Túrkistan, Shyǵys Qazaqstan oblystarynda, kúndiz Pavlodar, Batys Qazaqstan, Qyzylorda, Mańǵystaý oblystarynyń keı jerlerinde jel 15-20 m/s kúsheıedi, Qyzylorda oblysynda shańdy daýyl soǵady, Batys Qazaqstan, Almaty, Jambyl, Túrkistan oblystarynyń keı jerlerinde tuman kútiledi.
Mańǵystaý oblysynda, Túrkistan, Qyzylorda, Jambyl, Almaty, Atyraý, Aqtóbe, Qaraǵandy oblystarynyń keı jerlerinde óte joǵary órt qaýpi saqtalady.
