Seısenbide elimizdiń birqatar óńirinde qatty aıaz bolady
ASTANA. QazAqparat -«Qazgıdromet» RMK 25 jeltoqsanǵa arnalǵan aýa raıy boljamyn usynady, dep habarlaıdy QazAqparat.
Qazaqstannyń batysynda, ońtústik-batysynda jáne de ońtústik terrıtorııasynda jaýyn-shashyn jaýady, qalǵan bólikterinde jaýyn-shashynsyz aýa raıy kútiledi.
Respýblıkanyń keı jerlerinde tuman, kóktaıǵaq, burqasyn, jeldiń kúsheııýi kútiledi. Qyzylorda oblysynyń keı jerlerinde tuman túsedi, jolda kóktaıǵaq, kúndiz keı jerlerinde jel 15-20 m/s kúsheıedi.
Batys Qazaqstan oblysynyń keı jerlerinde tuman túsip, kóktaıǵaq, burqasyn bolady, jeldiń jyldamdyǵy 15-20 m/s jetedi dep boljanady.
Almaty, Jambyl, Atyraý, Qostanaı, Túrkistan, Shyǵys Qazaqstan oblystarynyń keı jerlerinde tuman bolady.
Jambyl, Atyraý, Túrkistan, Mańǵystaý oblystarynyń keı jerlerinde kóktaıǵaq, jaıaý burqasyn bolady.
Aqtóbe oblysynyń keı jerlerinde jel 18 m/s kúsheıedi. Túnde Soltústik Qazaqstan, Pavlodar, Almaty, Aqmola, Qaraǵandy oblystarynyń keı jerlerinde qatty aıaz kútiledi.
