Seısenbide elimizdiń basym bóliginde qar jaýady
ASTANA. QazAqparat - 12 aqpanda elimizdiń basym bóliginde qar jaýady, batys, soltústik-batysta jáne ortalyq Qazaqstanda kún raıy ashyq bolady, dep habarlaıdy QazAqparat Qazgıdrometke silteme jasap.
Sınoptıkterdiń boljaýynsha, elimizdiń keı jerlerinde tuman túsip, kóktaıǵaq bolady, burqasyn soǵyp, jel kúsheıýi yqtımal.
Almaty oblysynda keı jerlerinde tuman, kóktaıǵaq, 17-22 m/s jel soǵady, keı jerlerde ekpini 28 m/s jetedi.
Kúndiz Qyzylorda oblysynyń keı jerlerinde jeldiń jyldamdyǵy sekýndyna 15-20 metrge jetedi, ekpini 23 m/s kútiledi.
Soltústik Qazaqstan, Shyǵys Qazaqstan oblystarynyń keı jerlerinde burqasyn soǵady, kúndiz keı jerlerde jel kúsheıip 15-20 m/s jetedi. Jambyl, Mańǵystaý, Aqmola, Túrkistan, Batys Qazaqstan, Qostanaı, túnde jáne tańerteń Aqtóbe, Qaraǵandy oblystarynyń keı jerlerinde tuman kútiledi, Jambyl, Mańǵystaý oblystarynyń keı jerlerinde - kóktaıǵaq bolýy yqtımal, kúndiz Túrkistan oblysynyń keı jerlerinde jeldiń kúshi 15-20 m/s jetedi.
