Seısenbide elimizdiń 3 qalasynda aýa sapasy tómendeıdi
ASTANA. QazAqparat - Seısenbi, 9 qazan kúni meteorologııalyq jaǵdaılar elimizdiń eki qalasynyń atmosferasynda lastaýshy zattardyń shoǵyrlanýyna yqpal etedi, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Atyraý men Taldyqorǵanda meteojaǵdaılar aýa sapasynyń tómendeýine áser etedi. Al Qaraǵandyda aýaǵa zııandy zattar shoǵyrlanady. Al qalǵan qalalarda meteorologııalyq jaǵdaı jaǵymdy bolady.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
