Seısenbide elimizde shańdy daýyl soǵyp, burshaq jaýady
ASTANA. QazAqparat - Atmosferalyq aýa aǵyndardyń ótýine baılanysty Qazaqstannyń basym bóliginde jaýyn-shashyn kútiledi. Bul týraly QazAqparat Qazgıdrometke silteme jasap habarlaıdy.
Eldiń ońtústiginde naızaǵaı bolady, shańdy daýyl kútiledi, kúndiz burshaq bolýy yqtımal.
Keı jerlerinde tuman, ekpindi jel saqtalady. Ońtústik Qazaqstan, kúndiz Almaty, Aqmola, Pavlodar oblystarynyń keı jerlerinde jeldiń kúshi 15-20 m/s deıin jetedi.
Jambyl oblysynyń keı jerlerinde naızaǵaı jarqyldap, kúndiz burshaq bolýy yqtımal, jel 15-20 m/s jyldamdyqpen soǵady. Qyzylorda oblysynyń keı jerlerinde shańdy daýyl bolady.
Qostanaı, Shyǵys Qazaqstan oblystarynyń keı jerlerinde tuman kútiledi, kóktaıǵaq bolady, qatty jel soǵyp, naızaǵaı jarqyldaıdy.
Túnde Soltústik Qazaqstan oblysynyń keı jerlerinde, kúndiz basym bóliginde jel 15-20 m/s kúsheıedi, jeldin ekpini 23-28 m/s, keı jerlerine tuman bolady.
