Seısenbide elimizde kún raıy ashyq bolady
NUR-SULTAN. QazAqparat – Seısenbide elimizde kún raıy ashyq bolady, dep habarlaıdy QazAqparat Qazgıdrometke silteme jasap.
«2 qazanda Qazaqstannyń basym bóliginde jaýyn-shashynsyz aýa raıy kútiledi. Atmosferalyq aǵyndardyń ótýine baılanysty batysta jańbyr jaýady, ońtústik-shyǵystyń taýly aımaqtarynda jaýyn-shashyn jaýady. Keı jerlerde respýblıka boıynsha tuman kútiledi, jel 15-20 m/s kúsheıedi», delingen aýa raıy boljamynda.
Jambyl oblysynyń keı jerlerinde tuman kútiledi, jel 15-20 m/s kúsheıedi. Kúndiz Túrkistan, Qyzylorda, túnde Batys Qazaqstan oblystarynda jel 15-20 m/s kúsheıedi.
Atyraý oblysynyń keı jerlerinde tuman kútiledi, kúndiz keı jerlerinde jel 15-20 m/s kúsheıedi. Almaty, Qostanaı, Pavlodar oblystarynda, túnde jáne tańerteń Soltústik Qazaqstan, Qaraǵandy, Shyǵys Qazaqstan oblystarynyń keı jerlerinde tuman kútiledi.
Qyzylorda oblysynyń keı jerlerinde túnde 1-3 gradýs úsik júredi.
Túrkistan oblysynyń basym bóliginde, Qyzylorda oblysynyń shyǵys bóliginde, Jambyl oblysynyń soltústik bóliginde, Qaraǵandy oblysynyń batys jáne ońtústik bóliginde, Batys Qazaqstan oblysynyń ońtústiginde, Shyǵys Qazaqstan oblysynyń soltústik bóliginde óte joǵary órt qaýipi saqtalady.
