Seısenbide eldiń basym bóliginde tuman túsip, kóktaıǵaq bolady
ASTANA. QazAqparat - Búgin atmosferalyq fronttardyń ótýine baılanysty Qazaqstannyń basym bóliginde aýa raıy qubylmaly bolady. Keı jerlerde jaýyn jaýady, tek respýblıkanyń shyǵysynda aýa raıy jaýyn-shashynsyz. Respýblıkanyń keı jerlerinde jel kúsheıedi, jaıaý burqasyn bolady, soltústikte, ońtústikte jáne ońtústik-shyǵysta kóktaıǵaq bolady. Eldiń basym bóliginde tuman saqtalady.
Bul týraly QR ІІM TJK baspasóz qyzmeti habarlaıdy.
Jambyl, Ońtústik Qazaqstan, Qyzylorda oblystarynyń keı jerlerinde tuman kútiledi, jeldiń jyldamdyǵy 15-20, ekpini 23-28 m/s bolady. Jambyl, Ońtústik Qazaqstan oblystarynda keı jerlerde 30 m/s-ǵa deıin kúsheıedi.
Jambyl, Qyzylorda oblystarynda kóktaıǵaq kútiledi.
Qaraǵandy, Aqmola oblystarynyń keı jerlerinde tuman, kóktaıǵaq bolady, jeldiń jyldamdyǵy 15-20 m/s-ǵa deıin kúsheıedi.
Almaty oblysynyń keı jerlerinde tuman túsedi, túnde Jalańashkól aýdanynda jeldiń jyldamdyǵy 15-20 m/s-ǵa deıin kúsheıedi.
Mańǵystaý, Batys Qazaqstan, Aqtóbe, túnde Atyraý, Pavlodar oblystarynyń keı jerlerinde tuman kútiledi, Atyraý oblysynda kóktaıǵaq bolady.
Qostanaı, Soltústik Qazaqstan oblystarynyń keı jerlerinde tuman, jaıaý burqasyn, jel 15-20 m/s kúsheıedi.
