Seısenbide el aýmaqtarynda qubylmaly kún raıy kútiledi
ASTANA. QazAqparat - Atmosferalyq fronttardyń ótýine baılanysty 9 mamyr kúni Qazaqstannyń batys, ońtústik, soltústik- batys aımaqtarynda jańbyr jaýyp, naızaǵaı oınaıdy, jel kúsheıedi.
Eldiń ońtústiginde jel shańdy daýylmen birge uıytqıdy. Soltústikte túngi jáne tańǵy ýaqyttarda tuman kútiledi, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Qyzylorda oblysynyń keı jerlerinde naızaǵaı, shańdy daýyl kútiledi. 15-20 m/s jyldamdyqpen soqqan jeldi ekpini 25 m/s kúsheıedi.
Jambyl, Mańǵystaý, Atyraý, Aqtóbe, tańerteń jáne kúndiz Qostanaı oblystarynyń keı jerlerinde naızaǵaı oınap, jel 15-20 m/s kúsheıedi.
Soltústik Qazaqstan oblysynyń keı jerlerinde jeldiń ekpini 15-20 m/s artady, túnde jáne tańerteń tuman bolady.
Kúndiz Aqmola, Qaraǵandy oblystarynda, túnde jáne tańerteń Ońtústik Qazaqstan oblysynyń jekelegen aýmaqtarynda jel 15-22 m/s kúsheıedi.
Batys Qazaqstan oblysynyń jekelegen jerlerinde naızaǵaı kútiledi.
