Seısenbide el aýmaǵynda aýa raıy qandaı bolady
NUR-SULTAN. QazAqparat - «Qazgıdromet» mamandary 16 naýryzǵa arnalǵan aýa raıy boljamyn usyndy, dep habarlaıdy QazAqparat.
Qazaqstan terrıtorııasynyń basym bóliginde áli de jaýyn-shashynsyz aýa raıy saqtalady.
Tek ońtústikte jáne shyǵysta atmosferalyq fronttardyń ótýine baılanysty turaqsyz aýa raıy saqtalady, keı jerlerde jańbyr men qar jaýady.
Keı jerlerde tuman túsip, jel kúsheıedi, shyǵysta jaıaý burqasyn soǵady.
Jambyl oblysynda, kúndiz Túrkistan, Atyraý, Batys Qazaqstan oblystarynyń keı jerlerinde tuman túsedi, kúshti jel turady.
Mańǵystaý oblysynda, kúndiz Soltústik Qazaqstan oblysynyń keı jerlerinde jel ekpini qatty bolady.
Aqmola, Almaty, Qyzylorda, Aqtóbe, Qostanaı, Shyǵys Qazaqstan, Pavlodar oblystarynyń keı jerlerinde tuman túsedi.
Túnde Shyǵys Qazaqstan oblysynyń keı jerlerinde boran soǵady.
