Seısenbi kúni respýblıkanyń keı óńirlerinde kún sýytady - Qazgıdromet
ASTANA. QazAqparat - 12 mamyr kúni Qazaqstan terrıtorııasynyń basym bóliginde atmosferalyq frontaldy bólikterdiń ótýine baılanysty, keı jerlerde jańbyr jaýyp, naızaǵaı, jeldiń kúsheıýi saqtalady. Respýblıkanyń soltústiginde jáne soltústik-batysynda jaýyn-shashynsyz, tuman kútiledi. Bul týraly Qazgıdromet habarlady.
Almaty, Jambyl, Ońtústik Qazaqstan, Pavlodar, Shyǵys Qazaqstan oblystarynyń keı jerlerinde naızaǵaı bolyp, jeldiń 15-20 m/s kúsheıýi kútiledi. Qostanaı , Soltústik Qazaqstan oblystarynyń keı jerlerinde tuman kútiledi. Mańǵystaý, Atyraý oblystarynyń keı jerlerinde naızaǵaı bolyp, kúndiz jel 15-20 m/s kúsheıedi. Qaraǵandy oblysynda oblysynyń keı jerlerinde tuman túsip, túnde jeldiń kúshi 15-20 m/s bolady. Aqmola oblysynyń keı jerlerinde túnde jáne tańerteń tuman kútilip, jel 15-20 m/s kúsheıedi. Qostanaı, Soltústik Qazaqstan, Pavlodar, Aqmola oblystarynyń keı jerlerinde 0-5 gradýs sýyq bolady.
