Seısenbi kúni respýblıkanyń birqatar óńirinde ystyq saqtalady - Qazgıdromet
ASTANA. QazAqparat - 18 tamyz kúni Qazaqstannyń soltústik, soltústik-batys bólikteri atmosferalyq fronttardyń yqpalynda bolǵandyqtan, keı jerlerde naızaǵaıly ótkinshi jańbyr jaýyp, jel kúsheıedi.
Respýblıkanyń qalǵan bóliginde jaýyn-shashynsyz aýa raıy saqtalady. Bul týraly Qazgıdromet habarlady.
Aqmola, Batys Qazaqstan, Qostanaı, Soltústik Qazaqstan oblystarynda,túnde Atypaý, Aqtóbe oblystarynyń keı jerlerinde jel 15-20 m/s kúsheıedi. Aqmola, Jambyl, Ońtústik Qazaqstan, Qyzylorda, Pavlodar oblystarynda, Soltústik Qazaqstan, Qaraǵandy oblystarynyń keı jerlerinde qatty ystyq kútiledi. Atyraý, Aqtóbe, Qyzylorda, Ońtústik Qazaqstan, Jambyl oblystarynda, Almaty, Qaraǵandy, Batys Qazaqstan, Qostanaı, Shyǵys Qazaqstan oblystarynyń keı jerlerinde óte joǵary órt qaýpi saqtalady.
