Seısenbi kúni respýblıkanyń basym bóliginde jel kúsheıip, burqasyn bolady
ASTANA. QazAqparat - 9 aqpan, seısenbi kúni Qazaqstannyń barlyq aımaqtarynda frontaldy bólikterdiń ótýine baılanysty jaýyn-shashyn jaýady. Keı jerlerde tuman, kóktaıǵaq, burqasyn, jeldiń kúsheıýi kútiledi, tek respýblıkanyń batysynda aýa raıy jaýyn-shashynsyz bolady.
Bul týraly Qazgıdromet habarlady. Aqmola oblysynyń keı jerlerinde jaıaý burqasyn, tuman, kóktaıǵaq kútiledi. Almaty oblysynyń keı jerlerinde tuman, kóktaıǵaq baqylanyp, jeldiń kúshi 15-20 m/s bolady.
Jambyl, Ońtústik Qazaqstan oblystarynyń keı jerlerinde burqasyn, tuman, kóktaıǵaq, jeldiń 15-20 m/s kúsheıýi kútiledi.
Mańǵystaý oblysynyń keı jerlerinde tuman bolady. Qostanaı, Soltústik Qazaqstan oblystarynyń keı jerlerinde jaıaý burqasyn bolady.
Pavlodar, Qaraǵandy oblystarynyń keı jerlerinde burqasyn, jeldiń 15-20 m/s kúsheıýi kútiledi, Qaraǵandy oblysynyń keı jerlerinde tuman bolady.
Shyǵys Qazaqstan oblysynyń keı jerlerinde burqasyn, jeldiń 15-20 m/s kúsheıýi kútiledi, joldarda kóktaıǵaq bolady.
