Seısenbi kúni respýblıkanyń basym bóliginde qatty jel soǵady - Qazgıdromet
ASTANA. QazAqparat - 25 qarasha, seısenbi kúni Qazaqstannyń basym bóliginde aýa raıynyń turaqsyzdyǵy saqtalady, keı jerlerde qar jaýyp, kóktaıǵaq bolady, jel kúsheıedi.
Bul týraly «Qazgıdromet» RMK habarlady.
Jambyl, Ońtústik Qazaqstan oblystarynda tuman túsip, kóktaıǵaq bolady, jeldiń kúshi 15-20 m/s-qa deıin barady. Almaty oblysynyń birqatar aımaótarynda jel kúsheıedi, kóktaıǵaq bolyp, tuman túsedi. Aqmola, Soltústik Qazaqstan, Pavlodar, túnde Shyǵys Qazaqstan oblystarynda jeldiń kúshi 15-20 m/s bolyp, boran soǵady. Qostanaı oblysynyń keı jerlerine tuman túsedi, kóktaıǵaq bolady, jeldiń ekpini 15-20 m/s bolady. Qyzylorda, kúndiz Mańǵystaý oblysynda jel 15-20 m/s ekpinmen soǵady.
