Seısenbi kúni Qazaqstanyń keı jerlerinde jel kúsheıedi - Qazgıdromet
ASTANA. QazAqparat - Qazaqstannyń kóp bóliginde jaýyn-shashyn jaýmaıdy dep kútilýde. Tek eldiń soltústigi men shyǵysynda keı jerlerde qar jaýýy yqtımal, dep habarlady Qazgıdromet.
Keı jerlerde jel kúsheıip, boran soǵady. Ońtústik-shyǵysta tuman bolady dep kútilýde. Aqmola, Qostanaı, Pavlodar, Shyǵys-Qazaqstan, túnde Soltústik Qazaqstan, Qaraǵandy oblystarynyń keı jerlerinde jel jyldamdyǵy 15-20 m/s kóterilip, boran soǵady. Mańǵystaý, Atyraý, Batys Qazaqstan, kúndiz Qyzylorda oblystarynda keı jerlerde jel jyldamdyǵy 15-20 m/s jetýi múmkin. Jambyl oblysynyń keı jerlerinde tuman bolýy múmkin.
