Seısenbi kúni Qazaqstannyń basym bóliginde aýa sapasy jaqsarady
ASTANA. QazAqparat - Seısenbi, 24 sáýir kúngi meteorologııalyq jaǵdaılar Qazaqstannyń kóptegen qalalarynda lastaýshy zattardyń ydyraýyna yqpal etedi, dep habarlaıdy QazAqparat.
«Qazgıdromet» RMK-nyń málimetteri boıynsha, Aqtaý, Jańaózen, Aqtóbe, Astana, Atyraý, Qostanaı, Kókshetaý, Qyzylorda, Aqsý, Ekibastuz, Pavlodar, Petropavl, Taldyqorǵan, Taraz, Óskemen, Aqsý, Oral, Shymkent, kúndiz Qaraǵandy, Temirtaý qalalaryndaǵy meteojaǵdaılar, atmosferada lastaýshy zattardyń ydyraýyna yqpal etedi.
Almaty, Balqash, túnde Qaraǵandy jáne Temirtaý qalalaryndaǵy meteojaǵdaılar atmosferada lastaýshy zattardyń shoǵyrlanýyna áser etedi.
QMJ - atmosferalyq aýanyń betki qabatynda zııandy (lastaýshy) zattardyń jınalýyna yqpal etetin qysqamerzimdi meteorologııalyq faktorlardyń (tymyq, jeńil jel, tuman, ınversııa) úılesimi. QMJ jaǵdaıynda eldi mekenderdegi atmosferalyq aýanyń sapasy nasharlaýy múmkin.
Lastaný deńgeıiniń qalyptasýyn anyqtaıtyn mańyzdy faktorlardyń biri - sınoptıkalyq ahýaldyń (jel, jaýyn-shashyn, ylǵaldylyq, aýa temperatýrasy) boljamy.
