Seısenbi kúni Qazaqstannyń basym aýmaqtarynda kún ashyq bolady
ASTANA. QazAqparat - Qazaqstannyń barlyq aýmaǵy derlik aýqymdy antıtsıklon yqpalynda bolyp, kún raıy ashyq bolady, respýblıkanyń soltústigi men ońtústik-shyǵysynda ǵana atmosferalyq aǵyndardyń áserinen turaqsyz aýa raıy kútilýde, naızaǵaı oınap, jańbyr jaýyp, jel kúsheıedi. Bul týraly QR TJM baspasóz qyzmeti Qazgıdrometke silteme jasap habarlady.
Mańǵystaý oblysynda keı jerlerde jel 15-20, shańdy daýyl aralas uıtqýy 25 m/s-qa deıin kúsheıedi. Almaty, Ońtústiák Qazaqstan, kúndiz Qostanaı, Soltústik Qazaqstan oblystarynyń keı jerlerinde jeldiń ekpini 15-20 m/s-qa jetedi. Kúndiz Jambyl, Qyzylorda, Atyraý oblystarynda shańdy daýyl aralas jeldiń kúshi 15-20 m/s bolady.
Túnde Pavlodar, Qaraǵandy, Shyǵys Qazaqstan oblystarynda keı jerlerde aýa temperatýrasynyń 0-den 3 gradýsqa deıin sýytýy saqtalady.
Kúndiz Batys Qazaqstan oblysynda keı jerlerde kúshti ystyq bolady.
Respýblıkanyń batysynda, ońtústik-shyǵysynda jáne ortalyǵynda tótenshe joǵary órt qaýpi saqtalady.
Taıaýdaǵy táýlikterde Shyǵys Qazaqstan oblysynyń kóptegen ózenderinde sý deńgeıi tómendeıdi. Qara Ertis, Semeı qalasynan tómenirekte Ertis, Sháýildir aýyly mańynda (OQO) Arys ózenderinde sý deńgeıiniń kóterilýi baıqalady. Respýblıkanyń ońtústigi men ońtústik-shyǵysyndaǵy taý ózenderinde sý deńgeıiniń qubylýy kútiledi.
