Seısenbi kúni Qazaqstannyń 6 qalasynda aýa sapasy tómendeıdi
ASTANA. QazAqparat - Seısenbi, 20 naýryz kúngi meteorologııalyq jaǵdaılar Qazaqstannyń 6 qalasynda aýanyń lastanýyna yqpal etedi, dep habarlaıdy QazAqparat «Qazgıdromet» RMK-na silteme jasaı otyryp.
Sınoptıkterdiń boljaýynsha, Astana, Almaty, Taldyqorǵan, Taraz, Qaraǵandy, Shymkent qalalaryndaǵy meteojaǵdaı aýada lastaýshy zattardyń jınalýyna yqpal etedi.
Al, Aqtaý, Aqtóbe, Atyraý, Qostanaı, Qyzylorda, Kókshetaý, Pavlodar, Petropavl, Oral, Óskemen qalalarynda atmosferada lastaýshy zattar seıiledi.
Jaısyz meteorologııalyq jaǵdaılarǵa atmosferalyq aýanyń jerústi qabatynda zııandy zattardyń qalyptasýyna yqpal etetin qysqa merzimdegi meteorologııalyq jaǵdaılar (álsiz jel, tuman, ınversııa) jatady. Mundaı jaǵdaı qalyptasqanda eldi mekenderdegi atmosferalyq aýanyń sapasy tómendeıdi.
Aýanyń lastanýyn aıqyndaıtyn mańyzdy faktorlardyń biri sınoptıkalyq jaǵdaıǵa (jel,jaýyn-shashyn, qar, ylǵaldylyq, aýa temperatýrasy) boljam jasaý bolyp tabylady.
