Seısenbi kúni Qazaqstannyń 5 qalasynda aýa sapasy nasharlaıdy
ASTANA. QazAqparat - 3 sáýir kúni Qazaqstannyń 5 qalasynda aýa sapasy nasharlaıdy, dep habarlaıdy QazAqparat «Qazgıdromet» RMK-ǵa silteme jasap.
Sınoptıkterdiń boljamyna sáıkes, Atyraý, Aqtaý, Qostanaı, Kókshetaý, Qyzylorda, Pavlodar, Petropavl, Taraz, Oral qalalarynda meteojaǵdaılar jaqsaryp, zııandy zattardyń seıilýine yqpal etetin bolady.
Al Taldyqorǵan, Shymkent, Qaraǵandy, Aqtóbe jáne Almaty qalalarynda meteorologııalyq jaǵdaılar atmosferada lastaýshy zattardyń shoǵyrlanýyna alyp keledi.
Aıta keteıik, 2018 jyldyń 1 qańtarynan Qazgıdromettiń www.kazhydromet.kz saıtynda qolaısyz meteorologııalyq jaǵdaılardyń (QMJ) boljamy jarııalanady.
QMJ - atmosferalyq aýanyń betki qabatynda zııandy (lastaýshy) zattardyń jınalýyna yqpal etetin qysqamerzimdi meteorologııalyq faktorlardyń (tymyq, jeńil jel, tuman, ınversııa) úılesimi. QMJ jaǵdaıynda eldi mekenderdegi atmosferalyq aýanyń sapasy nasharlaýy múmkin.
Lastaný deńgeıiniń qalyptasýyn anyqtaıtyn mańyzdy faktorlardyń biri - sınoptıkalyq ahýaldyń (jel, jaýyn-shashyn, ylǵaldylyq, aýa temperatýrasy) boljamy.
