Seısenbi kúni Qazaqstanda qar jaýady, kóktaıǵaq bolyp, jeldiń kúsheıýi saqtalady
ASTANA. QazAqparat - Qazaqstan aýmaǵynyń basym bóliginde kún raıynyń turaqsyzdyǵy saqtalýda, keıbir jerlerde qar jaýyp, tuman túsedi, kóktaıǵaq, jeldiń kúsheıýi oryn alady, respýblıkanyń batysynda ǵana jaýyn-shashynsyz aýa raıy kútilýde, dep habarlaıdy Qazgıdromet.
Qaraǵandy oblysynyń keıbir jerlerinde burqasyn bolyp, tuman, kóktaıǵaq, jeldiń 15-20 m/s jyldamdyqpen soǵýy kútilýde. Qostanaı oblysynda - burqasyn, túnde jáne tańerteń tuman bolyp, jel (15-20 m/s) turady. Shyǵys Qazaqstan oblysynyń keıbir jerlerinde tuman túsip, kóktaıǵaq bolady, jeldiń kúshi 15-20 m/s-óa deıin barady. Aqmola, Soltústik Qazaqstan, Pavlodar oblystarynyń keıbir jerlerinde jaıaý burqasyndy jel (15-20 m/s) soǵady. Almaty, Ońtústik Qazaqstan, Mańǵystaý oblystarynyń keıbir jerlerinde tuman túsip, jel (15-20 m/s) turady. Jambyl, Atyraý oblystarynyń keıbir jerlerinde tuman, kóktaıǵaq, jeldiń 15-20 m/s deıin soǵýy kútilýde. Batys Qazaqstannyń keıbir jerlerinde tuman bolady.
