Seısenbi kúni elimizdiń kóp bóliginde jańbyr jaýady
NUR-SULTAN. QazAqparat - 30 shildede elimizdiń kóp bóliginde jańbyr jaýyp, jel kúsheıedi, dep habarlaıdy QazAqpara Qazgıdrometke silteme jasap.
«Tsıklonnyń jáne sonymen birge frontaldyq bólikterdiń ótýine baılanysty Qazaqstannyń basym bóliginde qubylmaly aýa raıy saqtalady, respýblıkanyń keı jerlerinde naızaǵaıly jańbyr jaýady. Tek elimizdiń ońtústiginde jáne ońtústik batysyńda kún ashyq. Keı jerlerde jel kúsheıedi, daýyl kútiledi, burshaq jaýýy múmkin, túnde jáne tańerteń tuman kútiledi», delingen aýa raıy boljamynda.
Soltústik Qazaqstan, Pavlodar, Qaraǵandy oblystarynyń keı jerlerinde daýyl, jel 15-20 m/s kúsheıedi, Soltústik Qazaqstan, kúndiz Qaraǵandy oblystarynyń keı jerlerinde burshaq jaýýy múmkin.
Aqmola, Jambyl, Pavlodar, Túrkistan, Qostanaı, kúndiz Aqtóbe, Almaty oblystarynyń keı jerlerinde jel 15-20 m/s kúsheıedi, Túrkistan oblysynyń keı jerlerinde shańdy daýyl, Qostanaı oblysynyń kúndiz keı jerlerinde burshaq jaýýy múmkin.
Shyǵys Qazaqstan oblysynyń keı jerlerinde túnde jáne tańerteń tuman túsedi, keı jerlerde burshaq jaýýy yqtımal.
Mańǵystaý oblysynyń keı jerlerinde shańdy daýyl, keı jerlerinde túnde jáne tańerteń tuman kútiledi.
Kúndiz Almaty oblysynyńda, Qaraǵandy oblysynyń keı jerlerinde qatty ystyq kútiledi.
Qyzylorda, Túrkistan, Jambyl, Almaty oblystarynda, Aqtóbe, Qaraǵandy, Shyǵys Qazaqstan, oblystarynyń keı jerlerinde óte joǵary órt qaýipi saqtalady.
