Seısenbi kúni elimizde qar jaýyp, tuman túsedi
NUR-SULTAN. QazAqparat - Sınoptıkter 21 qańtar kúni aýa raıy qandaı bolatynyn aıtty, dep habarlaıdy QazAqparat «Qazgıdromet» RMK baspasóz qyzmetine silteme jasap.
Qazaqstan terrıtorııasynyń basym bóligi oshaǵy Arhangel aýdanynda ornalasqan tsıklonnyń áserinde bolady. Saldarynan elimizde qar jaýady, batys, ońtústik jáne ońtústik-shyǵysta jaýyn-shashyn kútiledi.
Jambyl, Túrkistan oblystarynyń keı jerlerinde tuman túsip, kóktaıǵaq bolady. Kúndiz jel ekpini 15-20 m/s deıin kúsheıedi.
Shyǵys Qazaqstan oblysynyń keı jerlerinde burqasyn kóteriledi, jel qarqyny - 15-20 m/s. Túnde jáne tańerteń keı jerlerde tuman túsedi.
Pavlodar oblysyna tuman túsedi, jel jyldamdyǵy 18 m/s jetedi.
Aqmola, Soltústik Qazaqstan, Aqtóbe oblystarynyń keı jerlerinde tuman túsedi, boran soǵady.
Qostanaı oblysynyń keı jerlerine tuman túsip, kóktaıǵaq jáne burqasyn bolady.
Almaty, Qyzylorda, Mańǵystaý, Atyraý, Batys Qazaqstan, Qaraǵandy oblystarynyń keı jerlerinde kóktaıǵaq pen tuman kútiledi.
