Seısenbi kúni elimiz avtojoldarynda 2 adam mert bolyp, 9 adam zardap shekti - TJM
ASTANA. Jeltoqsannyń 23-i. QazAqparat - Jeltoqsannyń 22-si kúni respýblıkanyń avtojoldarynda oryn alǵan jol-kólik oqıǵalarynda 2 adam qurban bolyp, taǵy 9 adam zardap shekti,
dep habarlaıdy QazAqparat.
QR Tótenshe jaǵdaılar mınıstrliginiń habarlaýynsha, Ońtústik Qazaqstan oblysy Qazyǵurt aýdany Almaty-Termez avtojolynyń 743-shi shaqyrymynda «Opel» úlgisindegi eki avtokóliktiń soqtyǵysýy oryn aldy. Kólik júrgizýshileriniń tulǵalary anyqtalǵan joq.
Jol-kólik oqıǵasy saldarynan kólikterdiń biriniń júrgizýshisi men tulǵasy anyqtalmaǵan jolaýshysy oqıǵa ornynda jan tásilim etse, taǵy 6 jolaýshy aýrýhanaǵa jetkizildi.
Sondaı-aq Semeı qalasy Semeı-Óskemen avtojolynyń 15-shi shaqyrymynda «Sýbarý» jáne «Aýdı» avtokólikteriniń soqtyǵysýynan, ekinshi kóliktiń júrgizýshisi men «Sýbarýdyń» 40 jáne 42 jastaǵy jolaýshylary aýrýhanaǵa jetkizildi.
