Seısenbi eldiń basym óńirinde jaýyn-shashynsyz ótedi -
ASTANA. 9 qańtar. QazAqparat - «Qazgıdromettiń» boljaýynsha, 10 qańtar kúni Qazaqstannyń barlyq óńiri keń aýqymdy antıtsıklonnyń yqpalynda bolady.
Soǵan oraı, seısenbi kóptegen aýmaqtarda jaýyn-shashynsyz ótedi dep kútilýde, keı jerlerge tuman túsip, jel kúsheıedi.
Atap aıtqanda, Qostanaı, Soltústik Qazaqstan, Aqmola,Qaraǵandy oblystarynyń keı aýmaqtarynda tuman túsedi.
Atyraý, Jambyl, Ońtústik Qazaqstan oblystaryn tuman basyp, sekýndyna 15-20 metr jyldamdyqpen jel soǵady.
Aqtóbe oblysynda burqasyndatyp, 15-20 m/s ekpinde jel turady.
Almaty oblysynyń jekelegen jerlerinde tumandy bolady, Jalańashkól aýmaǵynda sekýndyna 18-23 metr kúshpen soǵatyn jeldiń ekpini keı ýaqyttary 28 m/s-qa jetýi yqtımal.
Gıdrologııalyq boljamdarǵa sáıkes, Qazaqstannyń birqatar sýly nysandarynda muz qatý protsessi jalǵasady. Eldiń ońtústik-shyǵys jáne shyǵysyndaǵy ózenderde sý deńgeıi ózgerip, jekelegeni arnalarynan tasýy múmkin.
