Seısenbi - 1 qarashaǵa arnalǵan aýa raıy boljamy
ASTANA. QazAqparat - 1 qarasha kúni Qazaqstan terrıtorııasynyń basym bóliginde turaqsyz aýa raıy saqtalady, soltústikte keı jerlerde qatty jaýyn-shashyn kútiledi, tek ońtústik-shyǵysta aýa-raıy jaýyn-shashynsyz bolmaq.
Jekelegen aýmaqtarda tuman, kóktaıǵaq bolady, jel 15-25 m/s kúsheıedi, soltústikte sondaı-aq jaıaý burqasyn júredi, dep habarlaıdy QazAqparat «Qazgıdrometke» silteme jasap.
Atap aıtqanda, Shyǵys Qazaqstan oblysynyń keı jerlerinde tuman, kóktaıǵaq bolady, 18-20 m/s ekpinde soqqan jeldiń ekpini, kúndiz Jarma aýdanynda 25 m/s kúsheıedi. Soltústik Qazaqstan oblysynyń keı óńirlerinde tuman, kóktaıǵaq kútiledi, jaıaý burqasynmen birge 15-20 m/s jyldamdyqta jel soǵady.
Aqmola, Pavlodar, Qaraǵandy oblystarynyń keı jerlerinde tuman, kóktaıǵaq bolady, jel 15-20 m/s kúsheıedi.
Jambyl kúndiz jáne tańerten Ońtústik Qazaqstan oblystarynyń jekelegen aýmaqtarynda tuman kútiledi, jeldiń jyldamdyǵy 15-20 m/s artady.
Almaty oblysynyń Jalańashkól aýdanynda jel 15-20 m/s kúsheıedi.
Mańǵystaý, Batys Qazaqstan, Qostanaı oblystarynyń keı jerlerinde tuman, kóktaıǵaq bolady.
Qyzylorda, túnde jáne tańerten Atyraý, Aqtóbe oblystarynyń keı jerlerinde kóktaıǵaq, tuman boljanady.
