Seıilbek Ysqaqov Abaı oblysy Din isteri basqarmasynyń basshysy bolyp taǵaıyndaldy

SEMEI. KAZINFORM – Abaı oblysy Din isteri basqarmasynyń basshysy bolyp Seıilbek Ysqaqov taǵaıyndaldy.

Seıilbek Ábıuruly 1963 jyly 26 mamyrda Semeı oblysy Shubartaý aýdany Qosaǵash aýylynda dúnıege kelgen. Semeı zootehnıkalyq-veterınarlyq ınstıtýtyn «Veterınarııa» mamandyǵy, Ortalyq Azııa ýnıversıtetin «Quqyqtaný» mamandyǵy boıynsha bitirgen.

Eńbek jolyn Semeı oblysy Shubartaý aýdany Bıdaıyq aýylynyń «Saryqamys» qoı sharýashylyǵynda bastady. 1987-1988 jyldary atalǵan qoı sharýashylyǵynyń meńgerýshisi, 1988-1994 jyldary brıgadasynyń brıgadıri bolyp eńbek etti.

1996-2000 jyldary Shyǵys Qazaqstan oblysy Aıagóz aýdanynyń «Shaǵyraı» JShS basshysy boldy. 2003-2006 jyldary Shyǵys Qazaqstan oblysy Aıagóz aýdany Bıdaıyq aýyldyq okrýginiń ákimi laýazymyn atqarǵan. 2006-2010 jyldary Aıagóz aýdany Aıagóz qalasynyń ákimi bolyp qyzmet etken.

Ár jyldary Aıagóz qalasy Aıagóz aýdany ákiminiń orynbasary, Aıagóz aýdandyq máslıhatynyń hatshysy qyzmetterin atqardy. Osy laýazymǵa taǵaıyndalmas buryn Abaı oblysy «AMANAT» partııasy fılıalynyń atqarýshy hatshysy bolǵan.