Seıitqazy Mataev Almatynyń ǵana emes, ózge iri qalalardyń da ataýyn ózgertýdi usyndy
ASTANA. 27 sáýir. QazAqparat - Qazaqstan Jýrnalıster odaǵynyń basshysy Seıitqazy Mataev Semeı, Óskemen jáne Pavlodar qalalarynyń ataýyn ózgertý jón dep sanaıdy.
Ol «31-arnaǵa» bergen suhbatynda tarıhta qazaq tilinde «Semeı» jáne «Óskemen» degen ataýlar bolmaǵandyǵyn atap ótti. Sondaı-aq buǵan deıin Pavlodardy ataý usynylǵan «Kereký» sózi de bolmaǵan. Mataevtyń aıtýynsha, bul sóz orys kópesi Korıakovtyń esiminen shyqqan.
Osyǵan baılanysty Matav Semeıdi - Abaı, Óskemendi - Qonaev, al Pavlodardy - Sátbaev dep qaıta ataýdy usynyp otyr.
Buǵan deıin Jýrnalıster odaǵynyń basshysy Almatyǵa eski ataýy - Alma-Atany qaıtarý bastamasyn kótergen bolatyn.
