Seıdahmet Berdiqulov atyndaǵy baıqaýdyń jeńimpazdary marapattaldy

ASTANA. QazAqparat - Mádenıet jáne sport mınıstrliginde jyl saıyn ótetin S.Berdiqulov atyndaǵy baıqaýdyń jeńimpazdary marapattaldy, dep habarlaıdy QazAqparat tilshisi.

Mınıstrliktiń baspasóz qyzmetinen málim etkendeı, bıyl baıqaýǵa onnan astam jýrnalısten 60-qa jýyq materıal kelip túsken. Úzdikterdi Amangeldi Seıithan, Dúráli Dúısebaı, Qydyrbek Rysbek, Nurǵazy Sasaev qatarly belgili ardager jýrnalıster anyqtady. Júlde bir televızııalyq, eki jazba materıalǵa berildi.

«Úzdik televızııalyq jumys» nomınatsııasy boıynsha «Qazsport» arnasynyń tilshisi Ermek Tórenııazov marapattaldy.

«Úzdik jazba materıaly» atalymynda «Qazaq sporty» gazetiniń tilshisi Madına Asylbek jáne dál osy nomınatsııada «Qarmaqshy tańy» gazetiniń tilshisi Nurbaı Janádilov tuǵyrdan kórindi.

Laýreattarǵa alǵys hat, aqshalaı syılyq jáne tósbelgi tabystaldy.