«Sevol» kemesiniń qaza bolǵan jolaýshylarynyń sany 275 adamǵa jetti
ASTANA. QazAqparat - Apatqa ushyraǵan «Sevol» kemesiniń qaza bolǵan jolaýshylaryn izdeýdiń 24-shi táýliginde mert bolǵandar sany 275 adamǵa jetti, taǵy 29 adamnyń múrdesi ázirshe tabylar emes. Sheteldik BAQ-tyń habarlaýynsha, bul jaıynda Chındo aralynda ornalasqan Ońtústik Koreıa Úkimetiniń jedel shtaby málim etti.
16 sáýirde bastalǵan sýasty izdeý jumystary aýa raıynyń qolaısyzdyǵyna baılanysty toqtatyldy. «Jeldiń kúshtiligi saldarynan týyndaǵan tolqyn barja palýbasyn qaıta-qaıta basyp ketip otyr. Sonyń saldarynan súńgýirlerdiń sýǵa túsýi óte qıynǵa soǵýda. Tústen keıin tolqyn kúsheıe túsedi», - dedi jedel shtab ókili. Aýa raıynyń qolaısyzdyǵy dúısenbige deıin jalǵasatyndyǵy boljanýda.
Esterińizge sala keteıik, bortynda 476 jolaýshysy bar parom Ońtústik Koreıanyń jaǵalaýynda aınaldyrǵan eki saǵattyń ishinde aýdarylyp, sýǵa batyp ketken. Olardyń ishinde negizinen oqýshylar men muǵalimder bolǵan.
