«Sevol» kemesi apatynyń qurbandarynyń sany 100-den asty
ASTANA. QazAqparat - Ońtústik Koreıanyń Inchhon portynan Chedjý kýrort aralyna bet alǵan «Sevol» kemesiniń apatqa ushyraǵanyna búgin 6-shy kún. Onda 476 adam, onyń 350-i mektep oqýshylary bolǵan. Qazirgi tańda denesi tabylǵan marqumdardyń sany 100-den asty, al iz-tússiz ketkenderdiń sany 220-dan asady, dep habarlaıdy Vestı.ru.
Osyǵan deıin kemeniń qısaıýyna kenet burylý nátıjesinde onda tıelgen júkter bir jaqqa aýyp ketýi sebep bolǵan degen boljamdar aıtylǵan. Rosbaltta jarııalanǵandaı, bul boljam negizsiz bolyp shyqty. Mundaı habardy Ońtústik Koreıa Balyq aýlaý jáne okeanologııa mınıstrligi taratqan. Olar bundaı sheshimge kemeniń marshrýtyn baqylap otyrǵan spýtnıktik radıolokatsııalyq maıaktaǵy aqparattardy zertteý barysynda kelgen.
