Sevkazenergosbyt jylýǵa zańsyz esep júrgizgen
Vedomstvonyń Soltústik Qazaqstan oblysy boıynsha departamenti Petropavl turǵyndarynyń shaǵymy negizinde sotqa júgingen. 2021 jylǵy qarashadan beri teńgerimdik tıesilik shekarasynda ornalaspaǵan eseptegish quraldary bar turǵyndar «Sevkazenergosbyt» JShS-niń jylý shyǵyndary úshin esepteý júrgizý zańdylyǵyna qatysty másele kótergen.
Іske qatysýshy prokýror TMRKD aryzyndaǵy talaptardy tolyq kólemde qanaǵattandyrý týraly qorytyndy beredi.
Sot 2022 jylǵy 25 sáýirde qoldanysyn toqtatqan ádisteme negizinde jylý energııasymen jabdyqtaýǵa 2007 jylǵy 31 jeltoqsannan keıin jasalǵan sharttardaǵy shyǵyn esepteýdi jaramsyz dep tanı otyryp, SQO TMRKD-niń talap-aryzyn ishinara qanaǵattandyrdy.
Sondaı-aq, sot «Sevkazenergosbyt» JShS-niń tutynýshylar balansyndaǵy jeliler boıynsha jylý shyǵyndary úshin esepteýler júrgizý jónindegi áreketterin zańsyz dep tanydy.
«Sevkazenergosbyt» JShS-ne 2020-2021 jyldar kezeńinde jylý shyǵyndary úshin eseptelgen soma tólengen jaǵdaıda, esepteý jumystaryn toqtatýdy jáne sot sheshimi kúshine engennen keıin tutynýshylarǵa qaıta esepteý júrgizýdi mindettedi.
Bul rette, sot tutynýshynyń jylý shyǵyndaryn tóleý mindeti kózdelgen «Sevkazenergosbyt» JShS-niń tutynýshylarmen jasasqan jylý energııasymen jabdyqtaý sharttarynyń talaptaryn jaramsyz dep taný týraly TMRKD-nyń talabynan bas tartty.
Sot sheshimi zańdy kúshine engen joq. Taraptar bir aı ishinde osy sot sheshimine shaǵymdanýǵa quqyly.
Eske salsaq, bıyl 20 naýryzda Petropavldaǵy jylý elektr ortalyǵynda apat bolyp, qylmystyq is qozǵaldy. Jylý ortalyǵynyń dırektory men bas ınjeneri qamaldy . Apat ornyndaǵy úıindi astynda qalǵan jumysshy áıeldiń denesi tabyldy.
Munan soń Ekologııa, geologııa jáne tabıǵı reserýstar mınıstrligi apatqa qatysty málimdeme jasap, máseleniń qalaı sheshilý kerektigin aıtty.
Keıin JEO-daǵy apat boıynsha «Sevkazenergo» AQ-nyń bas dırektory ustaldy.
Apat bolǵan Petropavldaǵy JEO ıesi 4,9 mln teńge aıyppulmen kelispegeni de habarlandy.
