«Sevkazenergosbyt» keńse men dúkender úshin jylý aqysyn qaıta esepteıdi
Belgili bolǵandaı, 2022-2023 jyldardaǵy jylytý maýsym kezeńde Ulttyq ekonomıka mınıstrligi Tabıǵı monopolııalardy retteý komıtetiniń Soltústik Qazaqstan oblysy boıynsha departamentine jylý energııasy úshin tólemniń kúrt ósýimen kelispeıtindigi týraly Petropavl qalasynyń turǵyn emes jylý energııasyn tutynýshylarynan, atap aıtqanda turǵyn úıdi jalpy esepke alý qurylǵysy bar kóppáterli turǵyn úıde ornalasqan turǵyn emes úı-jaılarda (keńse, dúken jáne t.b.) jumys isteıtin jylý energııasyn tutynatyn tutynýshylardan ótinishter kelip túse bastady.
Atalǵan ótinishterdi qaraý nátıjesinde, TMRKD joǵaryda atalǵan tulǵalardy qosalqy tutynýshylarǵa, ıaǵnı jylý jelileri jáne (nemese) jylý tutynatyn qondyrǵylary tutynýshylardyń jylý jelilerine qosylǵan tutynýshylarǵa jatqyzý boıynsha «Sevkazenergosbyt» JShS-nyń tarapynan jiberilgen buzýshylyqtardy anyqtady, al bul jylý energııasy úshin tólemniń ósýine áser etti.
Osyǵan oraı, TMRKD Soltústik Qazaqstan oblysynyń Mamandandyrylǵan aýdanaralyq ekonomıkalyq sotyna talap-aryz berdi, sot sheshimine sáıkes, TMRKD-nyń «Sevkazenergosbyt» JShS-na qoıǵan talaptary tolyq kólemde qanaǵattandyryldy.
Ulttyq ekonomıka mınıstriniń 2019 jylǵy 19 qarashadaǵy №90 buıryǵymen bekitilgen Tarıfterdi qalyptastyrý qaǵıdasynyń 280-tarmaǵynyń 2) tarmaqshasyn paıdalana otyryp, 2022-2023 j.j. jylytý maýsymynda jalpy úıdi esepke alý qurylǵysy bar kóppáterli úılerde ornalasqan turǵyn emes úı-jaılarda jumys isteıtin tutynýshylarǵa jylý energııasy úshin júrgizgen tólem boıynsha «Sevkazenergosbyt» JShS-niń áreketin sot zańsyz dep tanydy, sondaı-aq «Sevkazenergosbyt» JShS-ni atalǵan turmystyq emes tutynýshylarǵa qaıta esepteý júrgizýdi mindettedi.
Nátıjesinde, «Sevkazenergosbyt» JShS-ny 1 250 tutynýshylarǵa jalpy somasy 96 mln 232 myń teńgeni qaıta esepteýge mindettedi.
Sheshim zańdy kúshine engen joq, sýbekt osy sheshimge apellıatsııalyq tártippen shaǵymdanýǵa quqyly.
