«Sevılıa» Eýropa Lıgasynyń jeńimpazy atandy
ASTANA. QazAqparat - Ispanııalyq «Sevılıa» fýtbol klýby Eýropa Lıgasynyń aqtyq saıysynda portýgaldyq «Benfıkany» penaltı serııasynda jeńdi.
Týrınde (Italııa) ótken oıynnyń negizgi jáne qosymsha ýaqytynda jeńimpaz anyqtalǵan joq, esep 0:0. Penaltı serııasynda Ýnaı Emerı baptaıtyn oıynshylardyń baǵy jandy. Ýnaı Emerı oıyn bastalmaı turyp eki komandanyń deńgeıi birdeı, úzdigi penaltı kezinde anyqtalýy múmkin dep boljam jasaǵan bolatyn. Osylaısha ıspandyqtar atalǵan týrnırde úshinshi ret top jaryp otyr. 2006 jáne 2007 jyldary olar dál osyndaı bıik belesti baǵyndyrǵan bolatyn.
