Seýtaǵa zańsyz ótken mıgranttardyń jartysynan astamy Marokkoǵa oraldy
ASTANA. KAZINFORM – Ispanııanyń Іshki ister mınıstrliginiń málimetinshe, Ispanııanyń Seýta qalasyna zańsyz ótken shamamen 50 myń mıgranttyń jartysynan astamy Marokkoǵa keri oraldy, dep habarlaıdy Anadolu.
Mınıstrliktiń baǵalaýynsha, tańerteńnen bastap saǵat 13:30-ǵa deıin 25 myńnan astam mıgrant Seýtapen qoshtasyp, Marokkoǵa qaıtqan.
Zańsyz mıgranttardyń basym bóligin jas er adamdar. Ispanııada zańdy mártebe alýdyń múmkindigi joq ekenin túsingen olar Seýtada túndi ashyq aspan astynda ótkizip, juma kúni elderine qaıta bastady.
Sonymen qatar zańsyz mıgranttardyń shaǵyn toptary Marokkonyń Fnıdek jaǵalaýyn qorshaǵan tolqyn syndyrǵyshtar arqyly nemese teńizdi júzip ótip, Seýtaǵa jetý áreketin jalǵastyryp jatyr. Bul rette olar Marokko qaýipsizdik kúshteriniń aıtarlyqtaı qarsylyǵyna tap bolmaı otyr.
Shekara mańyndaǵy tóbelerge jınalǵan jastardy polıtsııa kózden jas aǵyzatyn gaz ben sýatqyshtardyń kómegimen taratýǵa tyrysýda.
Túnde tas laqtyrý men avtokólikterdi órteý oqıǵalaryna baılanysty shekara mańyndaǵy aýmaq kólik qozǵalysy úshin jabylyp, áli de ashylǵan joq.
Buǵan deıin Seýta bıligi anklavtaǵy kóshi-qon daǵdarysyn retteý úshin Madrıdten tótenshe jaǵdaı rejımin jarııalap, shuǵyl sharalar qabyldaýdy suraǵan bolatyn. Sońǵy eki aptada óńirge 2 myń zańsyz mıgrant kirgen.
Jergilikti bıliktiń málimetinshe, teńiz baǵyty arqyly táýligine shamamen 300 zańsyz shekara buzý áreketi tirkelýde jáne bul kórsetkish artyp keledi. Sońǵy on eki aıda osy baǵytpen ótpek bolǵan 60-tan astam adam qaza tapqan.
Aıta ketelik Ispanııa mıgranttar legine baılanysty Seýtaǵa ásker jiberetini týraly jazǵan edik.
