Seýldiń saıasaty burynǵysynsha eki Koreıany biriktirýge baǵyttalǵan - prezıdent Lı Men Bak
ASTANA. Maýsymnyń 2-si. QazAqparat - Koreı túbegindegi jaǵdaıdyń qaıta ýshyqqanyna qaramastan, Seýldiń saıasaty burynǵysynsha Ońtústik pen Soltústikti biriktirýge baǵyttalyp otyr. Bul týraly Koreıa Respýblıkasynyń Prezıdent Lı Men Bak seısenbi kúni ótken el úkimetiniń májilisinde málim etti, dep habarlaıdy ITAR-TASS agenttigi.
«Іs júzinde biz, birigýdi árqashan este saqtap, qaýipsizdik strategııasyn ázirleýimiz kerek», - dedi memleket basshysy, mınıstrlerdi eki koreı memleketin yqpaldastyrý men qosýǵa baǵyttalǵan sharalar júıesin egjeı-tegjeı taldaýǵa shaqyryp.
Jaqynda Sary teńizde oryn alǵan oqıǵany eske alǵan Prezıdent, «Chhonan» korvetimen bolǵan oqıǵadan keıin ulttyq qaýipsizdik mańyzdy mindetke aınaldy jáne respýblıka halqy Koreıa Halyq Demokratııalyq Respýblıkasymen aradaǵy teketires týraly kóbirek oılaı bastady», dep atap kórsetti.
