Seýldiń kólik tonnelindegi órtten keminde 5 adam qaza taýyp, 37 adam jaraqat aldy
KVAChHON. YONHAP - QazAqparat – Beısenbi kúni Seýldiń ońtústigindegi Kvachhon qalasynda jol boıyndaǵy shýǵa qarsy tonnelden órt shyǵyp, keminde bes adam qaza taýyp, 37 adam jaraqat aldy, olardyń úsheýi aýyr halde jatyr.
Bul týraly eldiń órt sóndirý qyzmetinen habarlandy, dep jazady QazAqparat Yonhap aqparat agenttigine silteme jasap.
Órt saǵat 13:49-da Kvachhondaǵy tonnelde shyqqan, dep habarlady bılik ókilderi.
Órt sóndirýshiler bastapqyda órttiń avtobýs pen qoqys tasıtyn kóliktiń soqtyǵysýynan keıin bastalǵanyn málimdedi, biraq keıinirek naqty sebebin anyqtaý úshin qosymsha tergeý qajet ekenin málimdedi.
Qutqarýshylar tórt kólikten bes adamnyń denesin tapty. Bastapqyda qaza bolǵandar sany alty adam dep sanalǵan, biraq keıinnen naqty bes adam ekeni naqtylandy.
Taǵy 37 adam ıis tıip ýlanǵan, sonyń ishinde úsh adam kúıik shalyp, aýyr halde jatyr.
Bılik órtten 45 kóliktiń janyp ketkenin habarlady.
Prezıdent ıÝn Sýk Iol el úkimetine zardap shekkenderdiń joqtyǵyna tolyq kóz jetkizý úshin apat ornyn muqııat tekserýdi jáne qutqarylǵandarǵa tolyq medıtsınalyq kómek kórsetýdi buıyrdy, dep habarlady prezıdenttiń baspasóz hatshysynyń orynbasary Lı Chje Men
Sonymen qatar ol keltirilgen zalal sebepterin jan-jaqty saraptap, osyndaı apattardyń qaıtalanýyn boldyrmaý sharalaryn, shýǵa qarsy tonnelder men uqsas nysandardy dereý tekserýdi talap etti, dedi Lı.
Bılik qutqarý operatsııasy kezinde qaza tapqandar sany budan kóp bolýy múmkin ekenin málimdedi.
Oqıǵa ornyna barlyǵy 94 órt sóndirý tehnıkasy, 219 órt sóndirýshi men tikushaq jiberildi. Órt saǵat 16:12-de tolyǵymen sóndirildi.
Foto: en.yna.co.kr
