Seýlden shyqqan ushaq Almatyǵa shuǵyl qonýǵa májbúr boldy
ALMATY. KAZINFORM – Almatyǵa Seýl-Tsıýrıh baǵytyndaǵy ushaq shuǵyl qondy.
Almaty áýejaıynyń málimetinshe, 6 mamyr saǵat 12:48-de megapolıstiń halyqaralyq áýejaıyna Seýl – Tsıýrıh baǵyty boıynsha ushyp bara jatqan Swiss áýekompanııasynyń Airbus A350 ushaǵy shuǵyl qonýǵa májbúr bolǵan.
– Qonýǵa sebep – ekinshi ushqyshtyń densaýlyǵynyń kúrt nasharlaýy. Ushaq qonǵan sátte ony áýejaıdyń medıtsınalyq qyzmeti kútip aldy. Mamandar alǵashqy medıtsınalyq kómek kórsetip, keıin bekitilgen tártipke sáıkes naýqasty kelgen qalalyq jedel járdem brıgadasyna tapsyrdy, - dep habarlady áýe aılaǵynan.
Qajetti tekserýden ótý jáne ári qaraı em alý úshin ekinshi ushqysh №4 qalalyq aýrýhanaǵa jetkizilgen.
Eske salaıyq, elimizde dombyrany ushaq bortynda alyp júrýge ruqsat etildi.
