Seýldegi Japonııa elshiliginiń qasynda er adam ózin-ózi órtep jiberdi
ASTANA. QazAqparat - Koreıa astanasy Seýl qalasyndaǵy Japonııa elshiliginiń janynda belgisiz egde jastaǵy er adam óz-ózin órtep jibermek bolǵan.
Bul týraly Kyodo agenttiginen habarlady.
Onyń málimetterinshe, oqıǵa mańynda bolǵan adamdar otty óshire aldy, alaıda jasy 80-ge jetip qalǵan qarttyń tula boıyn kúıik shaldy. Ol aýrýhanaǵa jetkizildi, esin jıǵany nemese jımaǵany týraly habarlanbaýda. Aldyn ala nusqa boıynsha, er adam osylaısha ózin-ózi óltirmek bolǵan.
Búgin Seýldegi japon dıpmıssııasynyń qasynda 2 myńǵa jýyq adam Japonııa úkimetinen ımperator áskeriniń Ekinshi dúnıejúzilik soǵys jyldarynda jasaǵan áreketteri úshin keshirim suraý talabymen narazylyq sharasyn ótkizdi.
