Seýlde tótenshe jaǵdaı jarııalandy
ASTANA. QazAqparat - Ońtústik Koreıanyń astanasynda sársenbi kúni aýanyń joǵarǵy deńgeıde lastanýyna baılanysty tótenshe jaǵdaı jarııalandy. Bul týraly TASS habarlaıdy.
Atmosferanyń lastanýyn azaıtý úshin jup sandy tirkeý nómirleri bar jeke kólik ıelerine jolǵa shyqpaýyna keńes berildi. 17 qańtarda qalalyq qoǵamdyq kólikter qarbalas sátte tegin jumys istemek. Qala bıligi aýany lastaıtyn 80 memlekettik kásiporyndy óndiris kólemin azaıtýǵa mindettedi.
Jedel sharalardy júzege asyrý úshin qalalyq bıýdjetten táýligine $4,5 mln qarjy jumsalady. Alaıda, monıtorıng deregine sáıkes, bul áreketter ekologııalyq jaǵdaıǵa kómektespeı otyr. Osyǵan baılanysty oppozıtsııa memlekettik qarjynyń tıimsiz jumsalǵanyn synǵa alýda.
