Seýlde sherýshiler Ońtústik Koreıanyń burynǵy prezıdentin qamaýǵa alýdy talap etti
ASTANA. KAZINFORM – Senbi kúni Seýldiń ortalyǵyna jınalǵan myńdaǵan sherýshi Ońtústik Koreıanyń bılikten shettetilgen prezıdenti ıÝn Sok Eldy dereý qamaýǵa alýdy talap etti. Bul týraly Euronews jazdy.
Koreıa Respýblıkasynda birneshe apta beri el basqaratyn kóshbasshy joq: parlamentshiler prezıdent ıÝn Sok El men onyń murageri Han Dýk Sýǵa ımpıchment jarııalaǵan. Qazir eldi ekonomıka mınıstri basqaryp otyr.
Sherýshiler senbi kúni Seýldiń ortalyǵyna jınalyp, jeltoqsannyń basynda áskerı jaǵdaı engizýge árekettengeni úshin «búlik jasady» dep aıyptalǵan Ońtústik Koreıanyń bılikten shettetilgen prezıdenti ıÝn Sok Eldy dereý qamaýǵa alýdy talap etti.
Jınalǵandar ıÝnnyń qaýipsizdik qyzmeti aralasqandyqtan quqyq qorǵaý qyzmetkerleri ony tutqyndaı almaǵanyna narazylyq bildirdi.
Memlekettik sybaılas jemqorlyqqa qarsy agenttik ıÝn Sok Eldy ustaý áreketin prezıdenttiń qaýipsizdik qyzmeti men tergeýshiler arasyndaǵy birneshe saǵatqa sozylǵan qarsylyqtan keıin ýaqytsha toqtatqanyn habarlady.
ıÝnnyń jaqtastary da kóshege shyqty: olar Ulttyq jınalys qabyldaǵan ımpıchmenttiń joıylýyn talap etti.
Bılikten ketkenine qaramastan, ıÝn Sok El óziniń keıbir artyqshylyqtaryn saqtap qaldy, ol qazir qaýipsizdik qyzmetiniń qorǵaýynda. Onyń isi Konstıtýtsııalyq sotta qaralyp jatyr.
Esterińizge sala keteıik, Ońtústik Koreıa soty 14 jeltoqsanda parlamentte ımpıchment jarııalaý nátıjesinde ókilettigi toqtatylǵan Koreıa Respýblıkasynyń prezıdenti ıÝn Sok Eldy tutqyndaýǵa jáne tintý júrgizýge order berdi.