Seýlde «Sevol» kemesiniń apatyna qatysty narazylyq sharasy ótti
ASTANA. QazAqparat - Koreı eliniń astanasynda úkimettiń «Sevol» kemesiniń apatynyń qurbandaryn qutqarý men izdestirý jumystarynyń nashar júrgizýine baılanysty narazylyq aktsııasy ótti, dep habarlaıdy ITAR-TASS.
Seýl ortalyǵynda ótken demonstratsııaǵa shamamen 500-ge jýyq azamattyq uıymdar qatysqan, olardyń qatarynda Koreıa kásipodaqtar federatsııasy men qatysý demokratııalylyǵy úshin halyq birligi uıymy bar. Narazylyq bildirýshiler el prezıdenti men úkimetin bastapqy izdestirý-qutqarý jumystaryn jedel qolǵa almaǵany úshin qatań synǵa aldy. Aktsııany uıymdastyrýshylar buǵan 30 myńǵa jýyq adam qatysqanyn aıtady. Olardyń ishinde keme apaty qurbandarynyń týystary da bar. Al polıtsııa narazylyq sharasynda 10 myńǵa jýyq qatysýshy bolǵanyn jetkizdi. Olar sondaı-aq merıı aldyndaǵy aza tutý ǵıbadatyna baryp qaıǵyly oqıǵa qurbandaryn eske aldy. Aıta keteıik, bortynda 476 jolaýshysy men ekıpaj músheleri bar «Sevol» kemesi 16 sáýir kúni Koreı shyǵanaǵynyń ońtústik-shyǵys bóliginde batyp ketken bolatyn. Apattan nebári 172 adam qutqaryla aldy. Qurban bolǵandar sany 285 adam, al taǵy 19 jolaýshy ázirge iz-tússiz ketkender sanatynda.
