Seýlde Pak Kyn He ımpıchmentine qarsy narazylyq aktsııasy kezinde eki demonstrant qaza tapty
ASTANA. QazAqparat - Seýlde jumada Koreı Respýblıkasynyń prezıdenti Pak Kyn Heni bılikten alastatýǵa qarsy narazylyq aktsııasynyń eki qatysýshysy mert boldy.
Bul týraly Renhap agenttigi habarlady.
Onyń derekterine sáıkes, qaıtys bolǵandardyń biri 72 jastaǵy er adam, ol polıtseı avtobýsynan qulap ketip, basynan aýyr jaraqattanǵan. Ekinshi qurban jaıly aqparat joq.
YTN telearnasynyń derekterine sáıkes, ońtústikkoreıalyq astanada Konstıtýtsııalyq sot úkim jarııalaǵannan keıin bul sheshimge narazy demonstranttardyń polıtsııamen qaqtyǵysqany tirkeldi.
Budan buryn Konstıtýtsııalyq sot Ońtústik Koreıa prezıdenti Pak Kyn Hege ımpıchmentti bekitken bolatyn.
