Seýlde Ońtústik Koreıa, Qytaı jáne Japonııa basshylary kezdesedi
ASTANA. KAZINFORM – Ońtústik Koreıa-Qytaı-Japonııa úshjaqty sammıti jeksenbi kúni Seýlde COVID-19 pandemııasyna baılanysty úzilisten keıin bastalady. Bul týraly Yonhap aqparat agenttigi habarlady.
Jeksenbi kúni Koreıa Respýblıkasynyń Prezıdenti ıÝn Sok El Qytaı Halyq Respýblıkasy Memlekettik keńesiniń premeri Lı Tsıanmen jáne Japonııa premer-mınıstri Fýmıo Kısıdamen ekijaqty kelissózder júrgizedi. Dúısenbi kúni Seýlde Ońtústik Koreıa, Qytaı jáne Japonııa basshylarynyń kezdesýi ótedi.
Lı Tsıanmen ekijaqty kelissózder barysynda ıÝn Sok El Qytaı men Ońtústik Koreıa arasyndaǵy strategııalyq baılanystardy damytý jáne ekonomıkalyq yntymaqtastyq pen saýdany keńeıtý joldaryn talqylaıdy dep kútilýde.
Sammıttiń kún tártibinde yntymaqtastyqtyń alty baǵyty bar: ekonomıka jáne saýda, turaqty damý, densaýlyq saqtaý, ǵylym men tehnologııa, tabıǵı apattardy basqarý jáne qaýipsizdikti qamtamasyz etý jáne adamdar arasyndaǵy almasý máseleleri.
Ońtústik Koreıa-Qytaı-Japonııa formatyndaǵy aldyńǵy úshjaqty sammıt 2019 jyly jeltoqsanda ótken bolatyn.
